რედაქცია და რედაქციული პოლიტიკა

Sheni ვაკანსია (cv.sheniekimi.ge) არის საქართველოს ვაკანსიების აგრეგატორი და ღია მონაცემთა პლატფორმა, რომელსაც მართავს საქართველოს საზოგადოებრივი ჯანდაცვის ინსტიტუტი (PHIG) Sheni Network-ის ფარგლებში. ეს გვერდი აღწერს, ვინ და როგორ ქმნის საიტის შინაარსს.

რედაქცია

მთავარი რედაქტორი — პროფ. გიორგი ფხაკაძე, MD, MPH, PhD. დავით ტვილდიანის სამედიცინო უნივერსიტეტის საზოგადოებრივი ჯანდაცვის სკოლის ხელმძღვანელი, PHIG-ის თავმჯდომარე, Georgian Medical Journal-ის მთავარი რედაქტორი, შრომის კვლევების ქართული ინსტიტუტის (GILS, labour.edu.ge) საბჭოს თავმჯდომარე. ORCID: 0000-0001-7609-4515. პასუხისმგებელია რედაქციულ პოლიტიკაზე, მეთოდოლოგიაზე, ყოველთვიურ ანალიტიკურ ანგარიშებზე და შეცდომების შესწორებაზე.

მონაცემთა რედაქცია — „ვაკანსია დღეს“ სერიის სტატიები და ყოველდღიური ანგარიშები ქვეყნდება ორგანიზაციული ავტორობით. თითოეული სტატია იქმნება სტანდარტული, საჯარო შაბლონით უშუალოდ მონაცემებიდან: ვაკანსიის ფაქტები წყაროდან, ხელფასების მედიანა ჩვენი ბაზის ბოლო 90 დღიდან, Geostat-ის სექტორული საშუალო, GILS-ის საარსებო ხელფასი და შრომის კოდექსის შესაბამისი ნორმები. ტექსტის ნაწილი გენერირდება ავტომატურად; მეთოდოლოგია და შაბლონი რედაქტორის მიერაა დამტკიცებული და შემოწმებული, ხოლო ცვლილებები ქვეყნდება მეთოდოლოგიის გვერდზე.

უმცროსი მკვლევარები

სექტორული სტატიები ქვეყნდება მკვლევართა სახელით, რომლებიც ამოწმებენ თავიანთი მიმართულების მონაცემებს და პასუხობენ შესწორების მოთხოვნებს:

• ირინა დრატაშვილი — მედიცინა / ჯანდაცვა, ფარმაცია, სილამაზე
• გიორგი მაჩაბიძე — IT / ტექნოლოგიები, მარკეტინგი, ფინანსები
• თეა გოგაძე — ტურიზმი / HoReCa, სასტუმროები, ვაჭრობა
• თათია ბოჯორიშვილი — მშენებლობა, წარმოება, ტრანსპორტი, დაცვა
• ანი ჯრენტი — ადმინისტრაცია, განათლება, საზღვარგარეთ, სხვა

რას ვაქვეყნებთ და რას — არა

• ვაკანსიის ტექსტი და პირობები ეკუთვნის დამსაქმებელს და ორიგინალ წყაროს (Jobs.ge, HR.ge, CV.ge, HeadHunter, RabotaGo და სხვ.); ყოველი განცხადება ბმულით მიემართება წყაროზე და განაცხადებს ჩვენ არ ვიღებთ.
• ჩვენი დამატებული ღირებულებაა კონტექსტი: ხელფასი ბაზრის ფონზე, სექტორის დინამიკა, კომპანიის დაქირავების ისტორია, შრომითი უფლებები.
• დახურული ვაკანსიები არ იშლება — ინახება არქივში ისტორიული ჩანაწერის სახით, აშკარა მინიშნებით „დახურულია“.
• ფოტოები მხოლოდ ღია ლიცენზიის (Creative Commons / Public Domain) წყაროებიდან, ავტორის, ლიცენზიისა და წყაროს მითითებით ყოველი ფოტოს ქვეშ.

შეცდომების შესწორება

თუ სტატიაში იპოვეთ შეცდომა — არასწორი ხელფასი, კომპანია, ქალაქი ან სხვა — მოგვწერეთ info@accreditation.ge. შესწორებას ვაქვეყნებთ 2 სამუშაო დღეში და სტატიის ბოლოს ვუთითებთ ცვლილების თარიღს. კომპანიებს შეუძლიათ მოითხოვონ პროფილის შესწორება იმავე მისამართზე.

ღია მონაცემები

კომპანიების პროფილები, სტატისტიკა და API ღიაა ლიცენზიით CC BY 4.0 — მიუთითეთ cv.sheniekimi.ge და კონკრეტული გვერდის ბმული. მეთოდოლოგია · სტატისტიკა · კონფიდენციალობა.

კონტაქტი

საქართველოს საზოგადოებრივი ჯანდაცვის ინსტიტუტი (PHIG), ბეთლემის აღმართი 3, თბილისი · info@accreditation.ge · publichealth.ge